Hikmət Hacıyev Almaniya səfiri ilə görüşüb

Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Almaniyanın ölkəmizdəki səfiri Dirk Lölke ilə görüşüb.

hadiseler.info Almaniya səfirliyinə istinadən xəbər verir ki, görüş çərçivəsində tərəflər iqtisadiyyat, təhsil, sülh və təhlükəsizlik, eləcə də qarşılıqlı maraq doğuran digər vacib məsələləri ətraflı müzakirə ediblər.

Söhbət zamanı Azərbaycan ilə Almaniya arasında müxtəlif istiqamətlər üzrə əməkdaşlığın geniş imkanlara və böyük potensiala malik olduğu xüsusi vurğulanıb.