Hikmət Hacıyev BƏƏ dövlət naziri ilə görüşüb

Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Birləşmiş Ərəb Əmirliklərinə (BƏƏ) səfəri çərçivəsində bu ölkənin dövlət naziri Səid bin Mübarək Əl-Haceri ilə görüşüb.

hadiseler.info xəbər verir ki, görüş zamanı Azərbaycan ilə BƏƏ arasında strateji tərəfdaşlıq, ikitərəfli münasibətlərin müxtəlif sahələrdə inkişaf perspektivləri, eləcə də qarşılıqlı maraq doğuran regional və beynəlxalq məsələlər ətrafında geniş fikir mübadiləsi aparılıb.

Hikmət Hacıyev vurğulayıb ki, Azərbaycan və BƏƏ regional orta güclər kimi beynəlxalq münasibətlərdə sabitliyin, əməkdaşlığın və dialoqun təşviq edilməsində müsbət, konstruktiv rol oynayırlar.