İranda təyyarə havada parçalanmağa başladı- VİDEO

İrana məxsus sərnişin təyyarəsi havaya qalxdıqdan dərhal sonra texniki nasazlıq səbəbindən çətin anlar yaşayıb.

hadiseler.info xəbər verir ki, bu barədə “Shot” “Telegram” kanalı məlumat yayıb.

Məlumata görə, insident “Sepehran” aviaşirkətinə məxsus “Boeing 737” tipli təyyarə Məşhəddən Kirmanşaha uçarkən baş verib. Uçuşdan dərhal sonra təyyarənin təkər örtüklərindən biri qopub və mühərriklə bağlı fövqəladə vəziyyət yaranıb.

Hadisə zamanı salonda güclü təkan və silkələnmə müşahid olunub, yük rəfləri sınıb və sərnişinlərin əşyaları yerə dağılıb. Heyət rəhbəri dərhal geriyə dönmək qərarı verib və təyyarə Məşhəd hava limanına uğurlu qəza enişi edib. Hadisə nəticəsində xəsarət alan olmayıb.

Qeyd edək ki, avqustun sonlarında da sözügedən aviaşirkətin digər bir təyyarəsi Məşhəd aeroportunda eniş edərkən uçuş-eniş zolağından kənara çıxmışdı.