Hörmüzdə iki supertanker minaya düşdü

İran İslam İnqilabı Keşikçiləri Korpusu (SEPAH) Hörmüz boğazının cənubunda iki supertankerin dəniz minasına düşərək partladığını bəyan edib.  

hadiseler.info xəbər verir ki, ümumi neftdaşıma tutumu 4,5 milyon bareldən çox olan gəmilərin partlayış nəticəsində hərəkətsiz qaldığı və heyət üzvləri tərəfindən tərk edildiyi bildirilib.  

İran tərəfinin yaydığı rəsmi məlumata görə, sözügedən tankerlər boğazın cənubundakı “icazəsiz” marşrutla keçməyə çalışarkən minalara tuş gəliblər. Partlayışlar nəticəsində gəmilərin mühərrik hissələrinə ciddi ziyan dəyib və onlar idarəetmə qabiliyyətini tamamilə itiriblər.  

Xatırladaq ki, Tehran ABŞ-nin iyulun 8-də hərbi hücumları bərpa etməsindən sonra – iyulun 12-də Hörmüz boğazının yenidən bağlandığını elan etmişdi. İran rəsmiləri müəyyən edilmiş təhlükəsizlik marşrutlarından kənara çıxan və icazəsiz keçid etməyə cəhd göstərən bütün gəmilərin hədəfə alınacağı barədə dəfələrlə sərt xəbərdarlıq ediblər.