Husilər Məkkəni vurmaq istəyiblər? – VİDEO

Səudiyyə Ərəbistanının hava hücumundan müdafiə qüvvələri müsəlmanların müqəddəs şəhəri Məkkə istiqamətində uçan husilərə məxsus pilotsuz uçuş aparatını (PUA) zərərsizləşdirib.

hadiseler.info xəbər verir ki, bu barədə Yəməndə Qanuniliyin Bərpası üzrə Koalisiyanın mətbuat katibi Türki Əl-Maliki “X” sosial şəbəkəsində məlumat paylaşıb.

O bildirib ki, PUA şəhərin cənub tərəfində vurularaq məhv edilib. Türki Əl-Maliki bu hadisəni düşmənçilik və terror aktı kimi qiymətləndirərək, bunun 2017-ci il iyulun 27-də ballistik raketlə edilən hücumdan sonra Məkkəyə zərbə endirmək üçün həyata keçirilən ikinci cəhd olduğunu vurğulayıb.

“Reuters” agentliyinin məlumatına görə isə, adı açıqlanmayan husi rəsmiləri Məkkə şəhərinə hücum edilməsi ilə bağlı Səudiyyə Ərəbistanının iddialarını təkzib ediblər.