I Qarabağ müharibəsinin itkin şəhidi Cümşüd Məmmədovla vida mərasimi keçirilib

hadiseler.info xəbər verir ki, Birinci Qarabağ müharibəsində itkin düşmüş və sonradan nəşinin qalıqları aşkar edilərək şəxsiyyəti müəyyənləşdirilmiş Cümşüd Məmmədovla vida mərasimi təşkil olunub.

34 il itkin şəhid kimi qeydiyyatda olan Laçın rayon sakini Cümşüd Məmmədovun nəşinin qalıqları ailəsinə təhvil verilib. Vida mərasimi Ağcabədi rayonunun Taxta Körpü qəsəbəsində keçirilib. Mərasimdə şəhidin ailə üzvləri, dövlət qurumlarının təmsilçiləri, ictimaiyyət nümayəndələri və rayon sakinləri iştirak ediblər.

Vida mərasimi başa çatdıqdan sonra Cümşüd Məmmədovun nəşinin qalıqları dəfn olunmaq üçün Laçın şəhərinə yola salınıb. Qeyd edək ki, 1962-ci il təvəllüdlü şəhid 1992-ci ildə Laçın rayonunun Zabux kəndində döyüş tapşırığını yerinə yetirərkən itkin düşmüşdü.