İki marşrutun hərəkət sxemi müvəqqəti dəyişdirildi

Hökməli-Puta yolunda aparılan təmir işləri ilə əlaqədar 553 və 567 nömrəli marşrutların hərəkət istiqaməti dəyişdirilib.

hadiseler.info xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb.

Məlumata görə, Hökməli-Puta yolunun Çingiz Mustafayev küçəsi hissəsində aparılan təmir işləri səbəbindən nəqliyyat vasitələrinin hərəkətinə məhdudiyyət tətbiq olunub.

Dəyişikliyə əsasən:

 567 nömrəli marşrut: Hərəkəti Qobu qəsəbəsinin Sona Salmanova küçəsi ilə;

 553 nömrəli marşrut: Hərəkəti “Yeni məhəllə” adlanan ərazi ilə təşkil edilib.