İlham Əliyev: “Azərbaycan və Özbəkistan beynəlxalq təşkilatlarda daim bir-birini dəstəkləyir”

Azərbaycan və Özbəkistan ikitərəfli formatda iştirak etdikləri bütün beynəlxalq təşkilatlarda hər zaman bir-birinə qarşılıqlı dəstək nümayiş etdirirlər.

hadiseler.info xəbər verir ki, bu barədə Prezident İlham Əliyev Azərbaycan-Özbəkistan Ali Dövlətlərarası Şuranın 3-cü iclasında bəyan edib.

Dövlət başçısı beynəlxalq arenadakı həmrəyliyi və Cənubi Qafqazda yaranan yeni sülh şəraitini xüsusi vurğulayıb:

“Biz ikitərəfli formatda iştirak etdiyimiz bütün beynəlxalq təşkilatlarda daim bir-birimizi dəstəkləyirik. Bu, avtomatik olaraq baş verir. Həmçinin Cənubi Qafqazda gedən müsbət proseslərlə bağlı verdiyiniz qiymətə görə sizə təşəkkür etmək istərdim. Cənubi Qafqazda sülhün təmin olunması nəticəsində bu gün region nəhayət rahat nəfəs ala və dinc inkişafın üstünlüklərini görə bilər”.