İlham Əliyev: “Dağ-mədən sənayesinin son məhsula qədər tam zənciri yaradılmalıdır”  

Prezident İlham Əliyev dağ-mədən və metallurgiya sənayesinin inkişafına dair Dövlət Proqramına həsr olunmuş müşavirədə sahənin inkişafı üzrə mühüm tapşırıqlar verib.  

hadiseler.info xəbər verir ki, dövlət başçısı filiz hasilatından başlayaraq son məhsula qədər tam istehsal zəncirinin yaradılmasının vacibliyini vurğulayıb. Bu çərçivədə zənginləşdirmə, pelet və breketlənmiş dəmir zavodlarının tikilməsi nəzərdə tutulur.  

Prezident, həmçinin xammalın daşınmasının iqtisadi cəhətdən səmərəli olması üçün nəqliyyat tariflərində güzəştlərin edilməsinin vacibliyini qeyd edib. Eyni zamanda, layihələrin icrası zamanı maksimum ekoloji ekspertizanın aparılması və bütün ekoloji normalara riayət olunması xüsusi tapşırıq olaraq irəli sürülüb.