İlham Əliyev və Paşinyan Bişkekdə sülh sazişini müzakirə etdilər

Bişkekdə Azərbaycan Respublikasının Prezidenti İlham Əliyev ilə Ermənistanın Baş naziri Nikol Paşinyan arasında ikitərəfli görüş keçirilib.  

hadiseler.info xəbər verir ki, danışıqlar zamanı 8 avqust 2025-ci il Vaşinqton Sülh Zirvə görüşünün nəticələri, Birgə Bəyannamə və sülh sazişinin razılaşdırılmış mətninin paraflanmasının tarixi əhəmiyyəti xüsusi vurğulanıb.

Liderlər Azərbaycan neft məhsullarının Ermənistana ixracı, Azərbaycan ərazisi vasitəsilə tranzit daşımalar, eləcə də iki ölkə arasında ticarət və enerji əməkdaşlığının genişləndirilməsi imkanlarını diqqətə çatdırıblar. Bununla yanaşı, dövlət sərhədinin delimitasiyası, TRIPP layihəsinin həyata keçirilməsi və qarşılıqlı etimadın gücləndirilməsi məsələləri ətrafında geniş fikir mübadiləsi aparılıb.  

Yekunda İlham Əliyev və Nikol Paşinyan regionda davamlı sülhün möhkəmləndirilməsi, münasibətlərin normallaşdırılması və nəqliyyat-logistika bağlantılarının gücləndirilməsi istiqamətində addımları davam etdirmək barədə razılığa gəliblər.