İlk dərs günündə sinifdə elektron siqaret çəkib canlı yayım açdılar – VİDEO

Yeni tədris ilinin ilk günündə Bakıdakı məktəblərdən birində çəkilən görüntülər sosial şəbəkələrdə kəskin narazılığa səbəb olub.

hadiseler.info “Oxu.az”a istinadən xəbər verir ki, məktəbli formasında olan şagirdlər dərs otağında elektron siqaretdən istifadə ediblər.

Videoda diqqət çəkən məqamlardan biri qız şagirdin uzun, prosedurlu dırnaqları və eyni zamanda sinifdə sosial şəbəkə üzərindən canlı yayım açması olub. Şagirdlər görüntülərin Bakı şəhərindəki 138 saylı tam orta məktəbdə çəkildiyini canlı yayım zamanı özləri etiraf ediblər.

Dərs ilinin ilk günündə məktəb daxilində belə bir halın yaşanması təhsil müəssisələrində nəzarət və intizam məsələsini yenidən gündəmə gətirib. Hadisə ilə bağlı aidiyyəti qurumların araşdırma aparacağı gözlənilir.