İmişlidə ağır yol-nəqliyyat qəzası baş verib: Ölənlər var

hadiseler.info xəbər verir ki, İmişli rayonunda ağır yol-nəqliyyat hadisəsi qeydə alınıb.

İlkin məlumata görə, hadisə rayon mərkəzinə yaxın ərazidə – İmişli-Kürdəmir avtomobil yolunun Ağaməmmədli kəndi ərazisindən keçən hissəsində “Kia” markalı minik avtomobili ilə “DAF” markalı yük maşınının toqquşması nəticəsində baş verib. Qəza nəticəsində 2 nəfər ölüb, 1 nəfər isə yaralanıb.

Məlumatla əlaqədar dərhal əraziyə Fövqəladə Hallar Nazirliyinin (FHN) Dövlət Yanğından Mühafizə Xidmətinin İmişli Rayon Yanğından Mühafizə Hissəsinin yanğınsöndürən-xilasediciləri cəlb olunub. Xilasedicilər tərəfindən “KİA” markalı avtomobildə sıxılı vəziyyətdə qalan sürücünün (kişi cinsli) və sərnişinin (qadın cinsli) meyiti çıxarılaraq aidiyyəti üzrə təhvil verilib.

Faktla bağlı aidiyyəti qurumlar tərəfindən araşdırma aparılır.