İşdən qanunsuz çıxarılmış 65 nəfər əvvəlki yerlərinə bərpa olundu

Azərbaycanda cari ilin yanvar-avqust ayları ərzində hüquqları pozularaq işdən qanunsuz çıxarılan 65 vətəndaşın əmək hüquqları bərpa edilib.

hadiseler.info xəbər verir ki, bu barədə Əmək və Əhalinin Sosial Müdafiəsi Nazirliyindən məlumat verilib.

Dövlət Əmək Müfəttişliyi Xidməti tərəfindən aparılan tədbirlər nəticəsində 517 min 139 manat məbləğində sosial xarakterli ödənişlərin işçilərə verilməsinin gecikdirildiyi müəyyən olunub. Görülən işlər sayəsində həmin vəsait tam şəkildə işəgötürənlər tərəfindən ödənilib. Ödənilən vəsaitin 90 faizini əməkhaqqı, 10 faizini isə zərərə görə ödənc, müavinət və kompensasiyalar təşkil edib.