İsmayıllıda dəhşətli qəza: 2 ölü, 6 yaralı

İsmayıllı rayonunda ağır yol-nəqliyyat hadisəsi baş verib.

hadiseler.info xəbər verir ki, rayon ərazisində “Hyundai” və “Lynk & Co” markalı avtomobillər toqquşub. Qəza nəticəsində “Hyundai” markalı nəqliyyat vasitəsində olan 2 nəfər hadisə yerində dünyasını dəyişib.

Hadisə zamanı müxtəlif dərəcəli xəsarətlər alan 6 nəfər isə dərhal İsmayıllı Rayon Mərkəzi Xəstəxanasına yerləşdirilib. DİN-in Mətbuat Xidmətinin regional qrupundan bildirilib ki, faktla bağlı cinayət işi başlanılıb, araşdırmalar davam etdirilir.