İvan Lepinitsa: “İlk matçdakı xətaları düzəldib növbəti mərhələyə keçəcəyik”

“Sabah” futbol klubunun yarımmüdafiəçisi İvan Lepinitsa Daniyanın “Orhus” komandasına qarşı keçiriləcək cavab matçından öncə fikirlərini bölüşüb.

hadiseler.info xəbər verir ki, xorvatiyalı futbolçu UEFA Çempionlar Liqasının III təsnifat mərhələsinin cavab görüşü öncəsi təşkil edilən mətbuat konfransında komandanın mərhələ adlamaq əzmində olduğunu vurğulayıb:

“Səfər matçında çox yaxşı çıxış etmişdik. Rəqib uzaq məsafədən iki dəfə fərqlənmək şansı qazandı və bundan maksimum yararlandı. Cavab qarşılaşmasına yüksək səviyyədə hazırlaşmışıq. İnanırıq ki, növbəti mərhələyə vəsiqə qazanan tərəf biz olacağıq”.

Qeyd edək ki, “Sabah” – “Orhus” qarşılaşması avqustun 11-də, saat 20:00-da “Bank Respublika Arena”da start götürəcək. Səfərdə baş tutan ilk oyunda Danimarka təmsilçisi 2:1 hesabı ilə qalib gəlib.