Abituriyentlərin nəzərinə: İxtisas seçimi üçün son saatlar başladı

Ali təhsil müəssisələrinə tələbə qəbulu müsabiqəsində iştirak etmək üçün ixtisas seçimi mərhələsi bu gün yekunlaşır.

hadiseler.info DİM-ə istinadən xəbər verir ki, abituriyentlər və subbakalavrlar bu gün saat 23:59-dək istədikləri ixtisasları elektron ərizələrinə daxil edərək təsdiqləməlidirlər.

Dövlət İmtahan Mərkəzinin 19 avqust saat 09:45-ə olan göstəricilərinə görə, artıq 81 255 nəfər elektron ərizəsini təsdiq edib. Müsabiqəyə yalnız təsdiq olunmuş ərizələr buraxılacaq.

İxtisas seçimi zamanı çətinlik çəkənlər DİM-in 10 ali təhsil müəssisəsində, regional bölmələrdə və 50-dən çox rayonda fəaliyyət göstərən ödənişsiz “Abituriyent Məsləhət Mərkəzləri”nə müraciət edə bilərlər.