Kanada gizli şəkildə ABŞ ilə savaşa hazırlaşıb?

Kanada hökuməti son bir il ərzində ABŞ tərəfindən mümkün hərbi müdaxilə risklərinə qarşı müəyyən tədbirlər həyata keçirib.

hadiseler.info xəbər verir ki, bu barədə Kanadanın Baş naziri Mark Karni “The New York Times” nəşrinə müsahibəsində bildirib.

Kanadanı ABŞ-nin 51-ci ştatı etmək bəyanatları fonunda danışan Karni vurğulayıb ki, ən aşağı ehtimallı fövqəladə riskləri belə qiymətləndirmək Ottavanın vəzifəsidir. Bu addımın əsas ssenari olmadığını, sadəcə risklərin izlənməsi məqsədi daşıdığını qeyd edən Baş nazir hazırlıq görməməyin məsuliyyətsizlik olacağını bildirib.

O, həmçinin Kanadanın hərbi sahədə ABŞ-nin “Starlink” peyk sistemindən asılılığını azaltmaq üçün Avropa ölkələri və Cənubi Koreya ilə əməkdaşlığı planlaşdırdığını qeyd edib. Məqalədə Ottavanın ABŞ-dən 88 ədəd F-35 qırıcısının alınması planına yenidən baxdığı və Avropa istehsalçılarına üstünlük verə biləcəyi vurğulanır. Global maliyyənin dollardan asılılığını da qiymətləndirən Karni, buna baxmayaraq, Donald Trampla şəxsi münasibətlərinin müsbət olduğunu əlavə edib.