Kanadada hərbi bazada partlayış: 4 hərbçi həlak oldu, 40-ı yaralandı

Kanadanın Ueynrayt hərbi bazasında güclü yanğınla nəticələnən ağır partlayış baş verib.

hadiseler.info xarici KİV-ə istinadən xəbər verir ki, hadisə oktyabrın 17-də yerli vaxtla saat 16:00 radələrində aviabazanın təlim poliqonunda qeydə alınıb.

Məlumata görə, baş verən fəlakət nəticəsində 4 kanadalı hərbçi həlak olub, 40 nəfər isə müxtəlif dərəcəli xəsarətlər alıb.

Yaralılar dərhal hərbi və mülki xəstəxanalara təxliyə olunublar. Həkimlərin verdiyi məlumata görə, xəsarət alanlardan 19 nəfərinin vəziyyəti ağır olaraq qiymətləndirilir.

Rəsmi hakimiyyət orqanları 4 hərbi qulluqçunun ölüm faktsını təsdiqləyib. Partlayışın və yanğının başvermə səbəblərinin araşdırılması istiqamətində xüsusi komissiya tərəfindən istintaq tədbirlərinə başlanılıb.