Kapadokiyada məşhur “Pəri bacası” uçdu: Ölən və yaralananlar var

Türkiyənin Nevşəhər vilayətinin Kapadokiya bölgəsində yerləşən Göreme Açıq Hava Muzeyinin girişində təbii qaya formasiyası – “Pəri bacası” uçub.

hadiseler.info Türkiyə KİV-ə istinadən xəbər verir ki, qəfil baş verən uçqun nəticəsində 2 nəfər həyatını itirib, 5 nəfər isə müxtəlif dərəcəli xəsarətlər alıb.

Hadisədən dərhal sonra əraziyə təcili tibbi yardım və xilasetmə qrupları cəlb olunub. Yaralılar xəstəxanalara çatdırılaraq həkim nəzarətinə götürülüb, onların müalicəsi davam etdirilir.