Kolumbiyada hərbi helikopter qəzaya uğradı: 19 yaralı

Kolumbiya Silahlı Qüvvələrinə məxsus “UH-60 Black Hawk” tipli hərbi helikopter ölkənin Kauka bölgəsində qəzaya uğrayıb.

hadiseler.info xəbər verir ki, Popayan və İnza şəhərləri arasında hərbi personal və təchizat daşıyan helikopterin düşməsi nəticəsində göyərtədə olan 19 nəfərin hər biri müxtəlif dərəcəli xəsarətlər alıb.

Rəsmi məlumatlara əsasən, yaralananlardan 4-ü ekipaj üzvü, 15-i isə əsgərdir. Yaralılardan 4 nəfərində sümük sınıqları təsbit edilib, digər 15 hərbçi isə müxtəlif dərəcəli bədən xəsarətləri və əzilmələrlə xəstəxanaya yerləşdirilib. Hadisə yerinə dərhal xilasedicilər və təcili tibbi yardım bridaqaları cəlb olunub.

Helikopterin qəzaya uğradığı İnza ərazisi keçmiş FARC üzvlərinin formalaşdırdığı EMC və Milli Azadlıq Ordusu (ELN) kimi qanunsuz silahlı qruplaşmaların fəal olduğu zonadır. Lakin ordu rəsmiləri ilkin araşdırmalara dayanaraq helikopterin yerdən atəşə tutulması ehtimalını təkzib ediblər. Hadisənin əlverişsiz hava şəraiti və ya texniki nasazlıq üzündən baş verdiyi ehtimal edilir.

Faktla bağlı Kolumbiya ordu komandanlığı tərəfindən genişmiqyaslı təhqiqat aparılır.