Kralın qardaşı 800 illik titulunu da itirdi

Böyük Britaniya Kralı III Çarlzın kiçik qardaşı, eks-şahzadə Endryu Mauntbetten-Vindzor Londonun ən qədim fəxri titulundan məhrum edilir.

hadiseler.info xəbər verir ki, “BBC News”un məlumatına görə, London Siti Korporasiyasının İcma Şurası Məhkəməsi keçmiş şahzadəni 1237-ci ildən bəri mövcud olan “Londonun Azadlığı” (Freedom of London) fəxri adından məhrum etməyə imkan verən yeni proseduru təsdiqləyib.

Korporasiyanın siyasət üzrə sədri Kris Heyvord əvvəllər belə bir mexanizmin olmadığını və prosesin təcili işə salındığını bildirib. Yekun qərarın dekabr ayında veriləcəyi gözlənilir.

Qeyd edək ki, keçmiş şahzadə Endryu fevralın 19-da ticarət elçisi olduğu dövrdə maliyyəçi Cefri Epşteynlə məxfilik təşkil edən məlumatları paylaşmaqda və vəzifə səlahiyyətlərini aşmaqda şübhəli bilinərək həbs olunub. Bundan əlavə, ABŞ Konqresinin Nümayəndələr Palatasının üzvü Tomas Massi onu ABŞ ərazisində cinsi cinayətlər törətməkdə ittiham edib.