Lənkəranda 3 yaşlı uşaq üçüncü mərtəbədən yıxıldı

Lənkəran şəhərində azyaşlının yaralanması ilə nəticələnən bədbəxt hadisə baş verib.

hadiseler.info xəbər verir ki, hadisə şəhərin Paşa Təhməzov küçəsində qeydə alınıb. 2023-cü il təvəllüdlü A.A. ehtiyatsızlıqdan yaşadığı binanın üçüncü mərtəbəsindən yıxılıb.

Dərhal əraziyə təcili tibbi yardım briqadası çağırılıb və azyaşlı ağır xəsarətlərlə Lənkəran Rayon Mərkəzi Xəstəxanasının təcili yardım şöbəsinə hospitalizasiya olunub.

Faktla bağlı aidiyyəti qurumlar tərəfindən araşdırma aparılır.