Lənkəranda toy karvanında avtoxuliqanlıq edən sürücü həbs olundu

Lənkəran şəhərində toy karvanında yol hərəkəti qaydalarını kobud şəkildə pozan sürücü məsuliyyətə cəlb edilib.

hadiseler.info xəbər verir ki, Lənkəran Şəhər Rayon Polis Şöbəsinin Dövlət Yol Polisi Bölməsinin əməkdaşlarının keçirdikləri tədbirlər zamanı avtoxuliqanlıq edən sürücü E.Abdullayev saxlanılıb.

O, idarə etdiyi “VAZ-2107” markalı avtomobillə yol hərəkəti qaydalarını davamlı olaraq pozub və digər hərəkət iştirakçıları üçün təhlükəli qəza şəraiti yaradıb. Məhkəmənin qərarı ilə E.Abdullayevin sürücülük hüququ 1 il müddətinə məhdudlaşdırılaraq o, inzibati qaydada həbs olunub.