Livan ölüm hökmünü ləğv etdi – Ərəb dünyasında ilk Addım

Livan parlamenti ölkədə ölüm cəzasının ləğv edilməsi barədə tarixi qərar qəbul edib.

hadiseler.info “Associated Press” agentliyinə istinadən xəbər verir ki, bununla da Livan ərəb dünyasında ölüm hökmünü ləğv edən ilk dövlət kimi tarixə düşüb.

Məlumata görə, parlamentdəki “Hizbullah” bloku istisna olmaqla, deputatların əksəriyyəti qanun layihəsinin lehinə səs verib.

Qəbul edilən qərara əsasən, ölkədə ölüm cəzası ləğv olunaraq ömürlük azadlıqdan məhrumetmə cəzası ilə əvəzlənəcək.