Məktəb direktorunun maşınını yandıran şəxs həbs edildi — VİDEO

Qaradağ rayonunda məktəb direktoruna məxsus “Kia” markalı avtomobilin yandırılması faktı ilə bağlı keçirilən əməliyyat-axtarış tədbirləri nəticəsində cinayəti törədən şəxs tutulub.

hadiseler.info Qafqazinfo-ya istinadən xəbər verir ki, Daxili İşlər Nazirliyinin (DİN) Mətbuat xidmətindən verilən məlumata görə, polis əməkdaşlarının operativ müdaxiləsi nəticəsində qəsdən əmlakı məhv etməkdə şübhəli bilinən, əvvəllər məhkum olunmuş Fuad İbrahimov müəyyən edilərək həbs olunub.

Faktla bağlı Cinayət Məcəlləsinin müvafiq maddəsi ilə cinayət işi başlanılıb, istintaq-araşdırma tədbirləri davam etdirilir.