Macarıstan millisinin sabiq futbolçusu “Neftçi”də

“Neftçi” növbəti transferini rəsmiləşdirib.

hadiseler.info xəbər verir ki, macarıstanlı hücumameylli yarımmüdafiəçi Alen Şkribek “ağ-qaralar”ın yeni üzvü olub. 25 yaşlı futbolçu ilə 2+1 illik müqavilə imzalanıb.

İndiyədək yalnız vətənində çıxış etmiş Şkribekin sonuncu klubu ZTE olub. O, 2026/2027-ci illər mövsümündə Macarıstan çempionatının ilk 3 turunda bütün oyunlarda meydana çıxaraq 3 məhsuldar ötürmə müəllifi olub. Ötən mövsüm isə ZTE-nin heyətində keçirdiyi 37 matçda 11 qol vurub və 5 assist edib.

Mərkəzdə, “10 nömrə” və hər iki cinah vingeri mövqelərində oynaya bilən universal futbolçu 2023/2024-cü illər mövsümündə “Pakş” klubu ilə Macarıstan kubokunu qazanıb. Şkribek 2021–2022-ci illərdə Macarıstanın U-21 yığmasında 11 oyunda 2 qol və 3 assistlə yadda qalıb.