Magistral yolda “Mercedes” aşıb: 3 nəfər xəsarət aldı

Ələt–Astara magistral yolunun Salyan rayonu ərazisindən keçən hissəsində ağır yol-nəqliyyat hadisəsi baş verib.

hadiseler.info xəbər verir ki, qəza magistralın Şorsulu kəndi ərazisindən keçən zolağında qeydə alınıb.

Məlumata görə, Masallı rayon sakini, 1979-cu il təvəllüdlü Nicat Şah Nəcəfovun idarə etdiyi “Mercedes” markalı nəqliyyat vasitəsi harəkətdə olarkən idarəetmədən çıxaraq aşıb.

Dəhşətli yol qəzası nəticəsində sürücü N.Nəcəfov və onunla eyni rayondan olan iki sərnişin müxtəlif dərəcəli bədən xəsarətləri alıblar.

Yaralılar dərhal təcili tibbi yardım briqadasının köməyi ilə Salyan Rayon Mərkəzi Xəstəxanasına yerləşdiriliblər. Xəstəxanadan verilən məlumata görə, xəsarət alanlardan birinin səhhəti ağır olaraq qiymətləndirilir.

Faktla bağlı hüquq-mühafizə organları tərəfindən geniş araşdırma aparılır.