Maqdalena Qrono: Azərbaycan və Ermənistan liderləri davamlı sülhə yol açıblar

Avropa İttifaqı (Aİ) Vaşinqton sammitindən sonra Bakı və İrəvan tərəfindən atılan müsbət və konstruktiv addımları yüksək qiymətləndirir. Hadisələr.info xəbər verir ki, bu barədə Aİ-nin Cənubi Qafqaz üzrə xüsusi nümayəndəsi Maqdalena Qrono Vaşinqton sammitinin birinci ildönümü münasibətilə “X” sosial şəbəkə hesabında paylaşım edib.

Diplomat bildirib ki, Aİ sülh prosesinin institutlaşdırılması və irəli aparılması istiqamətində atılan bütün müsbət addımları alqışlayır. Azərbaycan və Ermənistan liderlərinin siyasi iradəsi regionda davamlı və geridönməz sülhün bərqərar olmasına zəmin yaradıb.

Aİ-nin Cənubi Qafqazda sülh prosesinə dəstəyi

Maqdalena Qrono vurğulayıb ki, Avropa İttifaqı sülh və barışıq yolunda hər iki ölkəyə, eləcə də onların cəmiyyətlərinə dəstək göstərməyə davam edir.