Messi Argentina millisi ilə göz yaşları içində sağollaşdı – VİDEO

Dünya futbolunun əfsanəsi Lionel Messi Argentina milli komandasındakı karyerasına rəsmən son qoyub.

hadiseler.info xəbər verir ki, 39 yaşlı kapitan Buenos-Ayresdəki “Monumental” stadionunda Benin seçməsinə qarşı keçirilən və 3:0 hesabı ilə başa çatan yoldaşlıq oyunundan sonra göz yaşlarına hakim ola bilməyib.

Hələ matçdan öncə dövlət himni səslənərkən duyğusal anlar yaşayan ulduz futbolçu üçün oyunun 10-cu dəqiqəsində xüsusi fasilə verilib və 85 min azarkeş onu ayaqüstə alqışlayıb. Qarşılaşmada 90 dəqiqə meydanda qalan Messi 2 məhsuldar ötürmə və 71-ci dəqiqədə penaltidən vurduğu qolla vida oyununu unudulmaz edib.

Matçdan sonra azarkeşlər qarşısında kövrək nitq söyləyən Messi, bugünkü günü karyerasının ən kədərli günü adlandıraraq milli komandadakı fəaliyyətini rəsmən yekunlaşdırdığını elan edib:

“Bu gün karyeramın ən kədərli günüdür. Ömrümün sonuna qədər oynamaq istərdim, amma artıq getmək vaxtıdır”.