Messinin Argentina millisi ilə vida matçının tarixi bəlli olub

Argentina milli komandasının kapitanı Lionel Messinin yığmanın heyətində keçirəcəyi gözlənilən vida oyununun vaxtı açıqlanıb.

hadiseler.info “Diario Ole” nəşrinə istinadən xəbər verir ki, komandanın baş məşqçisi Lionel Skaloni ulduz futbolçunun yığmaya qoşulma vaxtı barədə danışıb. Mütəxəssis Messinin həftənin sonunda, Burkina-Faso ilə yoldaşlıq matçından sonra ölkəyə gələcəyini bildirib.

2026-cı il Dünya Çempionatının gümüş mükafatçısı olan Argentina yığması yaxın günlərdə üç yoldaşlıq görüşü keçirəcək. “Albiseleste” Boliviya (30 sentyabr), Burkina-Faso (3 oktyabr) və Benin (6 oktyabr) seçmələri ilə üz-üzə gələcək.

Diqqətçəkən məqam odur ki, oktyabrın 6-da keçiriləcək Beninlə qarşılaşma Lionel Messinin Argentina milli komandasının formasında son çıxışı olacaq. Əfsanəvi futbolçunun məhz öz vida matçında komandanı kapitan sarğısı ilə meydana çıxaracağı gözlənilir.

Qeyd edək ki, Lionel Messi Argentina milli komandası ilə ümumilikdə 207 oyuna çıxıb və 125 qola imza atıb.