Milli Məclisdə tətil başa çatır: Deputatlar işə qayıdır

Azərbaycan Respublikası Milli Məclisinin deputatlarının tətil müddəti gələn həftə rəsmən sona çatır.

hadiseler.info xəbər verir ki, Milli Məclisin Daxili Nizamnaməsinə uyğun olaraq, parlamentarilərin tətil müddəti avqustun 30-dək davam edir.

Sentyabr ayının ilk günlərindən etibarən parlamentin payız sessiyası çərçivəsində komitə iclaslarının keçirilməsinə start veriləcək.

Qeyd edək ki, qanunvericiliyə əsasən Milli Məclis ildə iki dəfə — iyulun 15-dən avqustun 30-dək və yanvarın 1-dən 15-dək tətilə buraxılır. Tətil dövründə deputatlar məzuniyyətdə hesab olunurlar. Payız sessiyasının ilk plenar iclası isə ənənəvi olaraq sentyabrın 30-da keçiriləcək.