Milli Qəhrəman Ehtiram Əliyevin son vəziyyəti açıqlandı

Ağır vəziyyətdə “Yeni Klinika”ya yerləşdirilən Azərbaycanın Milli Qəhrəmanı Ehtiram Əliyevin son səhhəti ilə bağlı rəsmi məlumat açıqlanıb.

hadiseler.info “Oxu.Az”a istinadən xəbər verir ki, tibb müəssisəsi verilən sorğuya cavab olaraq 54 yaşlı Milli Qəhrəmanın komaya düşdüyünü bildirib.

Klinikadan verilən rəsmi açıqlamada deyilir:

“Pasiyent oktyabrın 18-də, saat 13:40-da ‘Yeni Klinika’nın Reanimasiya şöbəsinə yerləşdirilib. Hazırda müalicəsi reanimasiya şəraitində intensiv şəkildə davam etdirilir, vəziyyəti kritik ağır olaraq qiymətləndirilir.”

Xatırladaq ki, Birinci Qarabağ müharibəsi iştirakçısı olan Milli Qəhrəman mədə qanaxması və ağciyərlərində yaranan ciddi problemlərlə tibb müəssisəsinə gətirilmişdi.