Misir Prezidenti 2030-cu ildə postunu tərk edəcəyini bəyan etdi

Misir Prezidenti Əbdülfəttah əs-Sisi səlahiyyət müddətinin 2030-cu ildə başa çatacağını və prezidentlik müddətinin uzadılması üçün Konstitusiyaya hər hansı dəyişikliyin edilməyəcəyini bildirib.

hadiseler.info xəbər verir ki, əs-Sisi prezidentlik müddətinin uzadılması məsələsinin gündəmdə olmadığını xüsusi vurğulayıb.

Ölkə rəhbəri məsələ ilə bağlı mövqeyini belə ifadə edib:

“2030-cu ildə mənim prezidentlik müddətim başa çatacaq. Bu məsələ tamamilə həll olunub”.
Qeyd edək ki, Əbdülfəttah əs-Sisi 2014-cü ildən etibarən Misir Ərəb Respublikasına rəhbərlik edir.