“Neftçi” 1000-ci oyunda qələbə qazandı 

Futbol üzrə Azərbaycan Premyer Liqasında VI turun açılış matçında “Neftçi” səfərdə “Qəbələ”nin qonağı olub.

hadiseler.info xəbər verir ki, Qəbələ şəhər stadionunda keçirilən qarşılaşma paytaxt təmsilçisinin 3:0 hesablı parlaq qələbəsi ilə başa çatıb.

Matçda qolları 25-ci dəqiqədə Breno Almeyda, 86-cı dəqiqədə Adeleke Akinyemi və 90+2-ci dəqiqədə Lyubomir Tupta vurublar. Bu zəfərdən sonra xallarını 15-ə çatdıran “ağ-qaralar” turnir cədvəlinin 1-ci pilləsinə yüksəliblər. Məğlub olan “Qəbələ” isə 4 xalla 8-ci sırada qərarlaşıb.

Qeyd edək ki, bu qarşılaşma “Neftçi” üçün xüsusi əlamətdar olub – Bakı klubu Azərbaycan çempionatları tarixində 1000-ci oyununa çıxaraq yubileyini qələbə ilə qeyd edib.