Netanyahu: “Məni susdura bilməzsiniz”  

İsrailin Baş naziri Benyamin Netanyahu ABŞ-nin Nyu-York şəhərinin meri Zohran Mamdanini BMT Baş Assambleyasının sessiyasında çıxış etmək üçün şəhərə gəlməsinə mane olmaqda ittiham edib.  

hadiseler.info xəbər verir ki, Netanyahu bu barədə BMT-dəki çıxışı zamanı bildirib.  

İsrailin Baş naziri merin ünvanına bu sözləri deyib: “Cənab Mamdani, siz mənim Nyu-Yorka gəlməyimə mane olmağa çalışdınız. Siz məni susdurmağa çalışdınız. Lakin siz məni susdura bilməzsiniz. Həqiqətin səsini batırmaq mümkün deyil”.  

Netanyahu, həmçinin yəhudi dövlətinin başqa seçimi olmadığını və apardıqları müharibələrdə mütləq qələbə qazanacaqlarını vurğulayıb: “Biz ölkəmizi müdafiə etməyə və qələbə qazanmağa davam edəcəyik, çünki bizim başqa seçimimiz yoxdur”.  

Xatırladaq ki, Nyu-York meri Zohran Mamdani daha əvvəl İsrailin Baş nazirinin ünvanına sərt bəyanatlar səsləndirərək, Beynəlxalq Cinayət Məhkəməsinin həbs qərarına əsasən Netanyahunu saxlayacağını bəyan etmişdi.