Nigar Fərhadın əri DTX təcridxanasından köçürüldü

“AİD Group” xaricdə təhsil şirkətinin həbsdə olan faktiki rəhbəri Samir Yəhyazadənin saxlama yeri dəyişdirilib.

hadiseler.info xəbər verir ki, məhkəmə təqsirləndirilən şəxsin müraciəti əsasında S.Yəhyazadənin Dövlət Təhlükəsizliyi Xidmətinin (DTX) istintaq təcridxanasından 2 ay müddətinə “Kürdəxanı türməsi” kimi tanınan Bakı İstintaq Təcridxanasına köçürülməsi barədə qərar qəbul edib.

Qeyd edək ki, Samir Yəhyazadə 3 ay əvvəl DTX tərəfindən saxlanılıb. O, həyat yoldaşı, aparıcı Nigar Fərhadla birgə külli miqdarda dələduzluqda ittiham olunur. İş üzrə zərərçəkənlərin əksəriyyəti xaricdə təhsil almaq üçün müraciət edən şəxslərdir. Nigar Fərhad barəsində isə “başqa yerə getməmək haqqında” iltizam qətimkan tədbiri seçilib.

Hazırda “AİD Group”la bağlı cinayət işi Baş Prokurorluğun İstintaq İdarəsində davam etdirilir.