Nigar Fərhad haqda rəsmi qərar verildi: Şikayətçilərin sayısı artır

Aparıcı Nigar Fərhadın təsisçisi olduğu “AİD Group” xaricdə təhsil şirkəti ilə bağlı zərərçəkənlərin müraciətləri və şikayətlərin sayı artmaqda davam edir.  

hadiseler.info “Qafqazinfo”ya istinadən xəbər verir ki, şirkətdən şikayətçi olanlardan biri de paytaxt sakini Rüfət Mikayılovdur. R.Mikayılov iki il əvvəl ABŞ-də təhsil almaq üçün 2 min dollar ödəniş etdiyini, lakin sonradan müqaviləyə fərqli şərtlərin və əlavə ödənişlərin daxil edildiyini bildirib. O, müqavilədən imtina edərək pulunu geri tələb etsə də, indiyədək ödənişi qaytarılmayıb. Şikayətçi həmçinin ofisdə müştərilərin səs yazmasını engəlləmək üçün telefonların əllərindən alındığını vurğulayıb.

Məsələ ilə bağlı mühüm hüquqi detallar:

 İstintaq və İttiham: Baş Prokurorluğun İstintaq İdarəsində aparılan istintaq çərçivəsində Nigar Fərhad cinayət məsuliyyətinə cəlb edilib. Ona Cinayət Məcəlləsinin 178.3.2-ci (külli miqdarda dələduzluq) və 308-ci (vəzifə səlahiyyətlərindən sui-istifadə) maddələri ilə rəsmi ittiham irəli sürülüb.  

 Qətimkan Tədbiri: Barəsində “başqa yerə getməmək haqqında” iltizam qətimkan tədbiri seçilib. İttihamlar məhkəmədə sübut olunarsa, aparıcını 5 ildən 10 ilə qədər həbs cəzası gözləyir.

 Ərinin Həbsi: İki ay əvvəl fəaliyyətini dayanmış “AİD Group”un faktiki rəhbəri, Nigar Fərhadın həyat yoldaşı Samir Yəhyazadə isə Dövlət Təhlükəsizliyi Xidməti (DTX) tərəfindən həbs edilib.  

Hazırda Baş Prokurorluğun İstintaq İdarəsi tərəfindən iş üzrə hərtərəfli istintaq hərəkətləri davam etdirilir. Bir neçə zərərçəkmişə dəymiş ziyanın artıq ödənildiyi bildirilir.