Pakistanda məscid yaxınlığında partlayış- 15 ölü- VİDEO

Pakistanda cümə namazı vaxtı məscid yaxınlığında dəhşətli partlayış baş verib.

hadiseler.info “Bakıvaxtı.az”a istinadən xəbər verir ki, “Geo News”un yaydığı məlumata görə, faciəvi hadisə Xeybər-Paxtunxva vilayətində qeydə alınıb.

İlkin məlumatlara əsasən, partlayıcı yüklü avtomobil məscidin yaxınlığında yerləşən obyektlərdən birinə çırpılıb. Partlayış nəticəsində 15 nəfər həlak olub, 50-dən çox insan isə müxtəlif dərəcəli xəsarətlər alıb. Xəsarət alanlar arasında polis əməkdaşlarının da olduğu bildirilir.

Güclü partlayış dalğasından məscid binasına ciddi ziyan dəyib. Ərazidə xilasetmə və araşdırma işləri davam etdirilir.