Paşinyan İlham Əliyevə minnətdarlığını bildirib

Ermənistanın Baş naziri Nikol Paşinyan Cənubi Qafqazda sülhün bərqərar olmasına verdiyi töhfəyə görə Azərbaycan Prezidenti İlham Əliyevə minnətdarlığını ifadə edib.

hadiseler.info xəbər verir ki, N.Paşinyan bu barədə Hessen Sülh Mükafatının təqdimolunma mərasimində çıxış edərkən bildirib.

Ermənistan hökumətinin rəhbəri bu mükafata Azərbaycan dövlət başçısının da layiq olduğunu vurğulayaraq deyib: “Mən həmçinin bu mükafata eyni dərəcədə layiq olan Azərbaycan Prezidenti İlham Əliyevə minnətdarlığımı bildirmək istəyirəm. Eləcə də Ermənistan və Azərbaycan xalqlarına təşəkkürümü bildirirəm. Münaqişənin səbəb olduğu çətinliklərə, insan itkilərinə və iztirablara baxmayaraq, onlar keçmişi dəyişə bilməyəcəklərini, lakin sonsuz münaqişə əvəzinə sülh, rifah və əməkdaşlıq perspektivini seçərək indini və gələcəyi dəyişə biləcəklərini dərk edərək sülhü qəbul etdilər və dəstəklədilər”.