Paşinyan: “Türkmənistanda İlham Əliyevlə təmaslar ola bilər”

Ermənistanın Baş naziri Nikol Paşinyan Türkmənistanda keçiriləcək MDB sammiti çərçivəsində Azərbaycan Prezidenti İlham Əliyev və Rusiya Prezidenti Vladimir Putinlə rəsmi görüşlərin nəzərdə tutulmadığını bildirib.

hadiseler.info xəbər verir ki, N.Paşinyan bu barədə oktyabrın 8-də keçirdiyi brifinqdə çıxışı zamanı məlumat verib.

Görüşün formatının söhbət xarakterli olduğunu diqqətə çatdıran Baş nazir qeyd edib ki, buna baxmayaraq təmaslar mümkündür:

“Rəsmi görüş planlaşdırılmır. Lakin daha əvvəl də nəyisə müzakirə etmək zərurəti yarandıqda görüşlərin keçirilməsinə yerində qərar verildiyi hallar olub”.