“Powerbank” təyyarədə patlayaraq yanğın törətdi- VİDEO

“KLM” aviaşirkətinə məxsus təyyarədə gözlənilməz və təhlükəli anlar yaşanıb.

hadiseler.info xəbər verir ki, Amsterdamdan Kürasaoya uçan təyyarənin biznes-klass salonunda yanğın baş verib.

Məlumata görə, insidentə Niderlandın keçmiş nəqliyyat naziri Kamiel Eurlinqsin “powerbank” qurğusunun partlaması səbəb olub. Qaydaları pozaraq xarici batareyanı enerji yığımına qoyan və yuxuya gedən keçmiş rəsminin cihazı uçuşdan 5,5 saat sonra qəfildən alovlanıb.

Təyyarə heyətinin çevik müdaxiləsi sayəsində alovun qarşısı dərhal alınıb. Lakin yaranan təhlükə ilə əlaqədar gəmi kapitanı marşrutu dəyişərək geri – Amsterdam aeroportuna qayıtmaq qərarı verib.