Prezident: “Bütün İslam dünyasına bir təhqir idi”

Prezident İlham Əliyev Bakıda keçirilən beynəlxalq konfransların iştirakçıları ilə görüşündə işğal dövründə Ermənistanın dini və mədəni abidələrimizə qarşı törətdiyi vandalizm əməllərini diqqətə çatdırıb.

hadiseler.info “AZƏRTAC”a istinadən xəbər verir ki, dövlət başçısı 65 məscidin Ermənistan tərəfindən tam dağıdıldığını, bəzilərinin isə yarıdağılmış vəziyyətdə olduğunu vurğulayıb.

Prezident İlham Əliyev çıxışında ermənilərin qəsdən törətdiyi təhqiramiz əməlləri belə ifadə edib: “Yəqin ki, siz də o fotoları görmüsünüz, Ermənistan məscidlərdə bilərəkdən, qəsdən heyvan saxlayırdı, donuz saxlayırdı, inək saxlayırdı. Yəni bizi təhqir etmək, bizi aşağılamaq üçün, bizim həssaslığımızı dərk edərək, yəni qəsdən xalqımızı daha da incitmək üçün belə vəhşi əməllərdən də çəkinmədi. Əslində bu, təkcə bizə, xalqımıza yox, bütün İslam dünyasına bir təhqir idi. Bax, budur Ermənistan dövlətinin əsl siması. Biz bunu heç vaxt unutmamalıyıq və unutmayacağıq”.