Prezident İlham Əliyev Tacikistan prezidentini təbrik etdi  

Azərbaycan Respublikasının Prezidenti İlham Əliyev Tacikistan Respublikasının Prezidenti Emoməli Rəhmona təbrik məktubu ünvanlayıb.  

hadiseler.info xəbər verir ki, dövlət başçısı Tacikistanın dövlət müstəqilliyinin 35 illiyi münasibətilə Emoməli Rəhmonu və onun simasında bütün Tacikistan xalqını səmimi-qəlbdən təbrik edib.  

Prezident İlham Əliyev məktubunda ötən 35 il ərzində Tacikistanın əldə etdiyi dövlət quruculuğu, daxili sabitlik və sosial-iqtisadi inkişaf nailiyyətlərini yüksək qiymətləndirib. Dövlətimizin başçısı ortaq mədəni və tarixi köklərə söykənən Azərbaycan-Tacikistan dostluğunun və strateji tərəfdaşlığının birgə səylərlə bundan sonra da yüksələn xətt üzrə inkişaf edəcəyinə əminliyini ifadə edib.