Prezident İlham Əliyev: “Azərbaycan-Özbəkistan ticarət dövriyyəsi üç dəfədən çox artıb”

hadiseler.info Azərbaycan Prezidenti İlham Əliyevin Özbəkistanın Milli İnformasiya Agentliyinə (UzA) müsahibəsinə istinadən xəbər verir ki, iki ölkə arasında iqtisadi-ticari əməkdaşlıq son illərdə sürətli inkişaf dinamikası nümayiş etdirir.

Dövlət başçısı ticarət dövriyyəsinin 2025-ci ildə əvvəlki illə müqayisədə üç dəfədən çox artaraq 795 milyon dollar təşkil etdiyini bildirib:

“Bu, əla göstəricidir. Bundan əlavə, 2026-cı ilin yanvar-may aylarında ticarət dövriyyəsi ötən ilin müvafiq dövrü ilə müqayisədə 33 faiz artaraq 144 milyon dollara çatıb”.

Prezident qeyd edib ki, 500 milyon ABŞ dolları kapitalla təsis edilən Azərbaycan-Özbəkistan İnvestisiya Şirkəti müxtəlif layihələrin maliyyələşdirilməsinə mühüm töhfə verir. Həmçinin bu günə qədər 15 iclası keçirilən Hökumətlərarası Komissiyanın iki ölkə arasındakı iqtisadi əlaqələrin inkişafında müstəsna rol oynadığı diqqətə çatdırılıb.