Prezident İlham Əliyev: “Biz heç kimin qabağında baş əymirik və əyməyəcəyik”

Azərbaycan Respublikasının Prezidenti İlham Əliyev Bakıda beynəlxalq konfransların iştirakçıları ilə görüşündə ölkəmizin müstəqil xarici siyasət kursunu və milli prinsiplərini bir daha bəyan edib.

hadiseler.info xəbər verir ki, dövlət başçısı Azərbaycanın Avropa təşkilatlarında təmsil olunan azsaylı müsəlman ölkələrindən biri olduğunu və bu səbəbdən oradakı prosesləri yaxından bildiyini diqqətə çatdırıb.

Avropa Şurasında ölkəmizə qarşı yürüdülən ikili standartlardan söz açan Prezident İlham Əliyev vurğulayıb: “Avropa Şurasının üzvü olaraq biz bu ədalətsizliklərlə üzləşmişdik, üzləşirik və yəqin ki, üzləşəcəyik. Bizə qarşı elan edilməmiş bu qarayaxma kampaniyası heç vaxt dayanmayacaq. Nə üçün? Çünki biz heç kimin qabağında baş əymirik və əyməyəcəyik, öz sözümüzü deyirik, öz milli mənliyimizi qoruyuruq, öz həyat tərzimizi qoruyuruq”.