Prezidentdən Dövlət Bayrağı Meydanı ilə bağlı QƏRAR

Dənizkənarı Bulvar İdarəsinin Bakı şəhərində yerləşən Dövlət Bayrağı Meydanı və Dövlət Bayrağı Muzeyinin idarə olunması ilə bağlı bütün hüquq, öhdəlik və əmlakı Azərbaycan Respublikası Prezidentinin İşlər İdarəsinə həvalə olunub.

hadiseler.info xəbər verir ki, bu barədə qərar Prezident İlham Əliyevin “Dənizkənarı Bulvar İdarəsi” və “Azərbaycan Respublikasının Əqli Mülkiyyət Agentliyi” publik hüquqi şəxslərin fəaliyyəti ilə bağlı bəzi məsələlər haqqında” imzaladığı Fərmanda əksini tapıb.

Fərmana əsasən, Dövlət Bayrağı Meydanının və Muzeyinin mühafizəsi, onların ərazisinə nəzarət, idarə edilməsi və saxlanılması üzrə məsuliyyət və əmlak tam olaraq Prezidentin İşlər İdarəsinin sərəncamına keçir. Nazirlər Kabinetinə sözügedən əmlakın iki ay müddətində aidiyyəti üzrə balansdan balansa verilməsini təmin etmək tapşırılıb.