Putin: “Rusiya-Ukrayna münaqişəsinin sülh yolu ilə həlli üçün şanslar var”

Rusiya Prezidenti Vladimir Putin Rusiya-Ukrayna münaqişəsinin dinc yolla nizamlanması imkanlarından danışıb.

hadiseler.info xəbər verir ki, V.Putin Şərq İqtisadi Forumunun plenar sessiyasındakı çıxışı zamanı münaqişənin sülh yolu ilə həlli üçün şansların olduğunu bildirib.

Rusiya dövlət başçısı vurğulayıb ki, bunun üçün ilk növbədə Moskva və Kiyev öz aralarında razılığa gəlməlidir. O, digər ölkələrin bu prosesə dəstək verməyə hazır olduğunu bildirərək, yekun nəticənin birbaşa münaqişə tərəflərindən asılı olduğunu qeyd edib. Putin həmçinin iki ölkə arasında xüsusi xidmət orqanları xətti ilə təmasların davam etdiyini diqqətə çatdırıb.