“Qalatasaray” klubunun vitse-prezidenti istefa verdi

“Qalatasaray” klubunun vitse-prezidenti Metin Öztürk tutduğu vəzifəsindən istefa verib.

hadiseler.info xəbər verir ki, klub rəsmisi bu barədə “X” sosial şəbəkəsindəki hesabında məlumat paylaşıb. Öztürk oktyabrın 27-də keçirilən klubun İdarə Heyətinin iclasında fiziki hücuma məruz qaldığını və mərhum anasının təhqir edildiyini bildirib.

O, baş verən hadisələrə görə sərt reaksiya göstərərək istefa qərarı verdiyini açıqlayıb:

“Oktyabrın 27-də keçirilən İdarə Heyətinin iclasında fiziki hücuma və mərhum anama qarşı təhqirə çevrilən hərəkətləri qəbul etməyə nə “Qalatasaray” tərbiyəm, nə də valideynlərimdən aldığım tərbiyə imkan verir”.
Metin Öztürk bu gündən etibarən “Qalatasaray”ın İdarə Heyətindən və kluba bağlı şirkətlərdə tutduğu bütün rəhbər vəzifələrindən tamamilə ayrıldığını bəyan edib.