Qarabağ milli park yaradılır

Prezident İlham Əliyev Qarabağ Milli Parkının yaradılması haqqında mühüm Sərəncam imzalayıb.

hadiseler.info xəbər verir ki, sənədə əsasən, ölkəmizin işğaldan azad edilmiş ərazilərində təbiətin mühafizəsi və ekoloji tarazlığın qorunması məqsədilə genişmiqyaslı tədbirlərə start verilib.

Sərəncama əsasən, aşağıdakı rayonların dövlət mülkiyyətində olan torpaqlarından müvafiq olaraq torpaq sahələri ayrılıb və xüsusi qorunan təbiət əraziləri kateqoriyasına aid edilib:

 Ağdərə rayonu: 44 773,79 hektar;

 Xocalı rayonu: 24 597,80 hektar;

 Kəlbəcər rayonu: 13 514,98 hektar;

 Şuşa rayonu: 5 314,34 hektar;

 Laçın rayonu: 217,09 hektar.

Ümumilikdə yerquruluşu planında göstərilmiş 88 418,00 hektar sahədə Qarabağ Milli Parkı yaradılacaq.

Nazirlər Kabinetinə bu Sərəncamdan irəli gələn zəruri təşkilati və hüquqi məsələləri həll etmək tapşırılıb.