“Qarabağ” yeni mövsümə iddialı başladı: “Böyük hədəflərimiz var”

“Qarabağ” klubu 2026/2027 mövsümünə böyük hədəflərlə start verib.

hadiseler.info xəbər verir ki, bunu Ağdam təmsilçisinin prezidenti Tahir Gözəl UEFA Konfrans Liqasının III təsnifat mərhələsinin Kiyev “Dinamo”su ilə cavab oyunu ərəfəsində klubun mətbuat xidmətinə açıqlamasında deyib.

Klub rəhbəri komandanı qarşıda məsuliyyətli sınaqlar gözlədiyini bildirib: “Möhtəşəm bir mövsümü geridə qoyduqdan sonra yeni mövsümə böyük hədəflər və inamla başladıq. Bu il heyətimizi gücləndirdik, inandığımız futbolçuları komandaya cəlb etdik. Hər zaman olduğu kimi, bu gün də Qurban müəllimin yanındayam və onun futbol düşüncəsinə tam güvənirəm”.

Tahir Gözəl həmçinin azarkeşlərə səslənərək onları “Dinamo” ilə keçiriləcək vacib qarşılaşmada komandanı tribunadan yekdil şəkildə dəstəkləməyə çağırıb.

Qeyd edək ki, “Qarabağ” ilk matçda səfərdə “Dinamo”ya 0:1 hesabı ilə məğlub olub. Komandalar arasında cavab qarşılaşması avqustun 13-də, saat 20:00-da Tofiq Bəhramov adına Respublika stadionunda tutacaq.